Социаль юнәлешле коммерцияле булмаган оешмаларның V Республика форумы кысаларында сәламәтлек ягыннан мөмкинлекләре чикләнгән балаларны социальләштерү мәсьәләсен күтәрәчәкләр

11 августта 10:00 сәгатьтә социаль юнәлешле коммерцияле булмаган оешмаларның V Республика форумы кысаларында Яр Чаллы шәһәрендә, Академик Рубаненко урамы, 2, 1 нче комплекс, 2 («Нур» яшьләр үзәге, 1 нче кат) адресы буенча «Мәдәни-агарту проектларында катнашу аша сәламәтлек ягыннан мөмкинлекләре чикләнгән балаларны социальләштерү» темасы буенча унынчы секция утырышы узачак.

Көн тәртибенә түбәндәге мәсьәләләр куелган иде: инклюзив белем бирү һәм менталь тайпылышлар булган балаларга профориентация күрсәтү, сәламәтлек ягыннан мөмкинлекләре чикле булган балаларның талантларын ачыклау һәм аларга ярдәм итү, мәдәни-агарту проектларында катнашу аша мөмкинлекләре чикләнгән кешеләрне социальләштерү, мөмкинлекләре чикләнгән балаларны нәтиҗәле социальләштерү системасы буларак  адаптив тхэквондо программасы һ. б.

Утырыш барышында сәламләү сүзе һәм докладлар белән чыгыш ясаячаклар:

1. ТР Иҗтимагый палатасы рәисе Зилә Вәлиева;
2. Яр Чаллы шәһәре муниципаль берәмлеге Башкарма комитеты җитәкчесе урынбасары Наталия Кропотова;
3. Алабуга дәүләт тарих-архитектура һәм сәнгать музей-тыюлыгы генераль директоры Гөлзада Руденко;
4. ТР Мәгариф һәм фән министрлыгының гомуми белем бирү идарәсе башлыгы Татьяна Алексеева;
5. «Чудо-дети» дәвалау педагогикасы үзәге» коммерцияле булмаган автоном оешмасы үсеш буенча директор урынбасары Резедә Бакирова;
6. «Инвалид балаларга һәм аларның гаиләләренә ярдәм итү үзәге» автоном коммерцияле булмаган оешмасына нигез салучылар Юлия Ищук, Елена Гизатуллина;
7. «ДЕЛЬТА» көрәш һәм спортның күп функцияле төрләрен үстерү үзәге» автоном коммерцияле булмаган оешмасы директоры Дамир Хөснетдинов;
8. Яшел Үзән муниципаль районы башлыгының социаль өлкәдә җирле үзидарә органнарын координацияләү буенча җәмәгать ярдәмчесе Алеся Лежнина;
9. Яшел Үзән муниципаль районы Иҗтимагый советы сәркәтибе Алена Жилкина;
10. Лениногорск шәһәренең сәламәтлек ягыннан мөмкинлекләре чикләнгән балаларга ярдәм итү хәйрия фондының тернәкләндерү үзәге директоры урынбасары Айгөл Әхмәтова;
11. Казан шәһәре «Шәһәр мәгариф үзәге» шәхси өстәмә һөнәри белем бирү учреждениесе директоры, Асель Насыйбуллина;
12. «Солнце внутри» фонды» коммерцияле булмаган автоном оешмасы директоры директоры Юлия Әхмәтҗанова.

Мәйданчыкның модераторы - «Чудо-дети» коммерцияле булмаган автоном оешмасы башкарма директоры Ася Кислова.