V Республика социаль юнәлешле коммерцияле булмаган оешмалар форумы кысаларында сәламәтлек ягыннан мөмкинлекләре чикләнгән балалар һәм өлкәннәр өчен шәһәр тирәлеген оештыру мәсьәләләре турында фикер алышачаклар

2022 елның 4 августы, пәнҗешәмбе

5 августта 11: 00 сәгатьтә «Московский» мәдәният үзәгендә (Казан шәһәре, Академик Королев урамы, 47 йорт) «Сәламәтлек ягыннан мөмкинлекләре чикләнгән балалар һәм өлкәннәр өчен шәһәр мохите: коммерцияле булмаган оешмалар һәм хакимият органнары арасындагы хезмәттәшлекнең нәтиҗәле практикалары» темасына сигезенче секция утырышы узачак.

Көн тәртибенә түбәндәге мәсьәләләр куелган иде: үзенчәлекле балалар өчен түләүсез велосипедларны прокатка алу практикасын гамәлгә кертү, коляскада йөрүче инвалидларның яшәеше, мөмкинлекләре чикләнгән кешеләр өчен уңайлы мохит проектлауда хаталар һәм мөмкинлекләр, «социаль такси» проекты, кондуктив балалар бакчасы, сәүдә объектларында кеше хокуклары буенча вәкаләтле вәкил Аппаратының практикасы һ. б.

Түгәрәк өстәл барышында сәламләү сүзе һәм докладлар белән чыгыш ясаячаклар:

  1. ТР Иҗтимагый палатасы рәисе Зилә Вәлиева;
  2. Татарстан Республикасы Хезмәт, халыкны эш белән тәэмин итү һәм социаль яклау министры урынбасары Адель Мөбарәкшин;
  3. Татарстан Республикасы төзелеш, архитектура һәм торак-коммуналь хуҗалык министры киңәшчесе Ирина Просвирякова;
  4. Казан шәһәре Башкарма комитеты җитәкчесенең социаль мәсьәләләр буенча урынбасары Гүзәл Сәгыйтова;
  5. Казан Урбаны шәһәр берләшмәсе активисты Гарри Янсен (Гарри Урбане);
  6. Татарстан Республикасының «Забота» инвалид балаларның ата-аналары төбәк иҗтимагый оешмасы президенты Надежда Титова;
  7. «Все Сам» инвалидларның көндезге тору үзәге» коммерцияле булмаган автоном оешмасының гамәлгә куючысы Илья Школьников;
  8. «АЛЬПАРИ» хәйрия фонды директоры Наталья Гыйләҗева;
  9. «Все для детей» мөмкинлекләре чикләнгән балалар һәм яшүсмерләрне гармонияле үстерү автономияле коммерцияле булмаган хәйрия оешмасын гамәлгә куючы, Казан шәһәре Думасы депутаты Далия Гайнанова;
  10. «Ярдәм» инвалидларның укыту-тернәкләндерү үзәгенә нигез салучы һәм директоры, «Ярдәм» милли-мәдәни фонды вице-президенты», Инвалидларга ярдәм үзәге генераль директоры, Казан шәһәре Думасы депутаты Мәликә Гыйльметдинова;
  11. Татарстан Республикасының 30 яшькә кадәрге коррекцияле балалар, инвалид балалар һәм яшь инвалидлар гаиләләренең «Ангелы мира» төбәк иҗтимагый оешмасы рәисе Елена Шәкурова;
  12. Татарстан Республикасында Кеше хокуклары буенча вәкаләтле вәкилнең җәмәгать ярдәмчесе. ТР ВОРДЕ-уңайлы мохит, юридик ярдәм юнәлешләре буенча координаторы Марина Григорьева.

Утырышның модераторы - «АЛЬПАРИ» хәйрия фонды директоры Наталья Гыйләҗева.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International