«Социаль өлкәнең үсеш драйверы буларак коммерцияле булмаган сектор белгечләренең компетенцияләрен арттыру» күчмә секция мәйданчыгы
Татарстан Республикасы Иҗтимагый палатасы Татарстан Республикасы Президентының Татарстан Республикасы Дәүләт Советына Юлламасын гамәлгә ашыру буенча Татарстан Республикасы Хөкүмәте гамәлләренең комплекслы планын үтәү йөзеннән 2022 елның 23 августында бишенче республика социаль юнәлешле коммерцияле булмаган оешмалар форумын үткәрергә планлаштыра. Форумның пленар утырышына кадәр республиканың муниципаль берәмлекләрендә (Казан, Яр Чаллы, Алабуга, Болгар, Актаныш) секция мәйданчыклары планлаштырылган.
«Мәдәнияттә коммерцияле булмаган оешмаларның роле: иҗтимагый оешмаларның һәм гражданлык активистларының инновацион һәм инклюзив практикалары» һәм «Социаль юнәлешле коммерцияле булмаган оешмалар, иҗтимагый оешмалар, граждан активистларының проектларында патриотик тәрбия бирү: иң яхшы практикалар һәм үсеш потенциалы» темаларына форум секцияләре узды.
Форумны үткәрүнең максаты-актуаль социаль проблемаларны хәл итү өчен коммерцияле булмаган оешмаларның хакимият органнары белән хезмәттәшлеге нәтиҗәлелеген арттыру, коммерцияле булмаган оешмаларның, иҗтимагый оешмаларның, гражданлык активистларының иң яхшы тәҗрибәләрен һәм коммерцияле булмаган секторның республика үсешенә керткән өлешен арттыру юлларын тәкъдим итү.
2022 елның 15 июлендә 10.00 сәгатьтә Алабуга шәһәре, Казан урамы, 89 йорт (Казан федераль университетының Алабуга институты) адресы буенча «Социаль өлкәнең үсеш драйверы буларак коммерцияле булмаган сектор белгечләренең компетенцияләрен арттыру» күчмә секция мәйданчыгы булачак.
Секция утырышына электрон форматта теркәлү түбәндәге сылтама буенча уза: https://forms.yandex.ru/u/62bd42038e42696051cd73bc