35 үзенчәлекле бала анасы Интернет-маркетинг курсы буенча шәһәр мәгариф үзәгендә белем алды
Узган елның көзендә Шәһәр мәгариф үзәге Татарстан Республикасы Министрлар Кабинеты грантларын алуга республика конкурсында әниләр өчен «СТАРТАП» проекты белән җиңү яулады.
Без бу проектны башлап җибәрергә булдык, чөнки үткәргән сораштыру нәтиҗәләре буенча, үзенчәлекле әниләрнең күпчелеге интернет-маркетинг өлкәсендә һөнәрләргә өйрәнергә теләвен әйтте. Грант алганнан соң без тиз арада 75тән артык катнашучыны җыя алдык.
Укыту өчен проектка чын экспертлар җәлеп ителде. Копирайтинг буенча курсны күп факторлы гуманитар анализ һәм Когнитив филология лабораториясенең өлкән фәнни хезмәткәре, «Татарстан 24» телеканалында һәм «Эхо Москвы» радиостанциясендә редактор булып эшләү тәҗрибәсе булган Ренат Бакиров алып барды. Социаль челтәрләрдә маркетинг һәм сайтлар булдыру буенча дәресләрне Россельхозбанк ИТ-бүлекчәсе җитәкчесе, Россия Федерациясе Финанс министрлыгы каршындагы кече һәм урта бизнес өчен төбәк белем бирү программасы остазы Наталья Бойко алып барды. Тыңлаучылар исеменнән Шәһәр мәгариф үзәге командасы актуаль һөнәри белем бирү контентын гади һәм тулы итеп бәян иткән өчен укытучыларга тирән рәхмәтен белдерә.
Катнашучылар чын-чынлап кызыксынучан һәм актив булдылар, постлар, сайтлар, текстлар, логотиплар һәм презентацияләр ясадылар. Катнашучыларның күбесе профконсультант белән шәхси эш алып бардылар, күбесе карьера тренингларында катнаштылар. Укыту вакыт һәм тырышлык таләп итте. Шуңадыр, тест үткән 35 катнашучы гына таныклыклар һәм сертификатлар алды. Безнең тыңлаучылар Казанның коммерцияле булмаган оешмаларында белгечлек буенча стажировка уздылар.
Шәһәр мәгариф үзәге командасы безнең проектта катнашкан барлык инвалид балаларның әниләрен котлый һәм барлык катнашучыларга дәресләргә генә түгел, коммерцияле булмаган оешмаларга да вакыт һәм көч тапканнары өчен рәхмәт белдерә. Шәһәр мәгариф үзәге командасы барысына да уңышлар һәм яңа казанышлар тели!
Проект Татарстан Республикасы Министрлар Кабинеты һәм Татарстан Республикасы Хезмәт, халыкны эш белән тәэмин итү һәм социаль яклау министрлыгы грантлары ярдәмендә уңышлы гамәлгә ашырылды.
