«ЭкоДөнья-2022» Халыкара экологик премиясе лауреаты исеменә конкурс игълан ителде
«ЭкоДөнья-2022» Халыкара экологик премиясе лауреаты исеменә конкурс игълан ителде.
«ЭкоДөнья» Халыкара экологик премиясе әйләнә-тирәлекне саклауда һәм экологик куркынычсызлыкны тәэмин итүдә, шулай ук XXI гасырда тотрыклы үсешкә юнәлтелгән башка экологик эшчәнлектә күренекле казанышлар өчен иҗтимагый бүләк булып тора.
Конкурсны үткәрү экологик сәясәт үсешенә, халыкның экологик белем дәрәҗәсен күтәрүгә, экологик фәнне үстерүгә, экологик чиста технологияләр иңдерүгә, халыкның сәламәтлеген яхшыртуга һәм биологик төрлелекне саклауга ярдәм итүгә юнәлтелгән.
Конкурста катнашучыларны сайлап алу тәкъдим ителгән проектларны, программаларны, акцияләрне тормышка ашыруны раслый торган гаризалар һәм документлар нигезендә гамәлгә ашырыла.
Гаризалар бирү шартлары һәм таләпләре www.raen.info сайтында урнаштырылган «ЭкоДөнья» Халыкара экологик премиясе турындагы Нигезләмәдә бар.
Конкурска гаризалар җибәрү вакыты 2022 елның 31 октябренә кадәр.
Конкурс турында өстәмә мәгълүматны оештыру комитетында алырга мөмкин: prezidiumraen@yandex.ru;
Номинацияләр:
- Экологик сәясәт һәм әйләнә-тирә мохит
- Экология, гражданнарның уңайлы әйләнә-тирә мохиткә хокукларын яклау, территорияләрнең табигый, тарихи һәм мәдәни мирасын саклау
- Экологик белем бирү, агарту һәм мәдәният
- Экологик-патриотик эшчәнлек, табигый-тарихи мирасны торгызу, туристик-экскурсия программалары һәм проектлар булдыру
- Экология һәм әйләнә-тирәлекне саклау өлкәсендәге яшьләр программалары, проектлары (катнашучылар - 35 яшькә кадәрге кешеләр)
- Ресурсларны саклау һәм экологик куркынычсыз технологияләр, җитештерү һәм куллану калдыкларын эшкәртү
- Экологик куркынычсыз товарлар һәм азык-төлек продуктлары
- Экология һәм кеше сәламәтлеге
- Биологик төрлелекне һәм табигый ландшафтларны саклау
- Азкатлы төзелештә, агач йорт төзелешендә экологик куркынычсыз технологияләр һәм материаллар
- Бакча дизайны һәм архитектура чишелешләре, пейзаж рәсем сәнгате, ландшафт-парк дизайны, архитектура.