КИУда беренче тавыш бирүне һәм студентларның туган көнен татар ашлары буенча мастер-класс белән билгеләп үттеләр
18 сентябрьдә Казан инновация университетында «Татарстанның беренче тавышы һәм тәме» Татар кулинариясе бәйрәме үткәрелде. Анда Россиянең төрле төбәкләреннән килгән студентлар катнашты, алар беренче тапкыр тавыш бирүдә катнашалар һәм шул ук көннәрдә үзләренең туган көннәрен билгеләп үтәләр.
Юныс Әхмәтҗанов исемендәге милли кулинария студиясендә ТР Иҗтимагый палатасы рәисе Александр Терентьев белән бергә студентлар традицион татар ризыгы – гөбәдия әзерләделәр. Яшьләр өчен бу милли ашлар белән танышу аша республика мәдәнияте белән якыннанрак танышу мөмкинлеге.
Александр Терентьев тәэсирләре белән уртаклашты:
«Кунакчыллык традицияләре һәм бер ризык тарихы аша төбәк мәдәнияте белән чын-чынлап танышырга мөмкин. Шунысы мөһим, студентларның күп кенә гаиләләрендә пешерү традицияләре саклана. Бу көн беренче тавыш бирүне, туган көнне һәм күпмилләтле Татарстан белән танышуны берләштерде».
Шулай итеп, бер көн яшьләр өчен берьюлы берничә мөһим вакыйганы берләштерде: беренче мөстәкыйль гражданлык тәҗрибәсе, туган көн, яңа төбәк мәдәнияте белән танышу һәм Татарстанның университет җәмәгатьчелегенә һәм күпмилләтле халкына карауны тою.
