«Сәламәтлекне саклый торган мохит һәм инфраструктура» Россиякүләм иң яхшы практикалар конкурсы старт алды
Россия Сәламәтлек саклау министрлыгының терапия һәм профилактик медицина илкүләм медицина тикшеренү үзәге (ТПМ НМИЦ) Россия Федерациясе Иҗтимагый палатасы ярдәмендә муниципаль дәрәҗәдә сәламәтлек саклау мохите һәм инфраструктура булдыру буенча иң яхшы тәҗрибәләрнең Россиякүләм конкурсына гаризалар кабул итә башлау турында игълан итә. Конкурс «Сәламәтлек һәркем өчен» федераль проекты кысаларында үткәрелә.
Дәүләт, муниципаль һәм хосусый оешмалар, медицина һәм социаль учреждениеләр, коммерцияле компанияләр һәм халыкның сәламәтлеген ныгыту проектларын гамәлгә ашыручы коммерцияле булмаган оешмаларны катнашырга чакыралар.
Конкурсның төп номинацияләре:
- Сәламәтлекне саклау өчен иң яхшы архитектура һәм шәһәр төзелеше буенча тәкъдимнәр (ландшафт проектлары, киртәсез мохит, сәламәтләндерү маршрутлары номинацияләрен дә кертеп).
- Балалар һәм яшүсмерләр өчен сәламәтлекне саклау мохитен формалаштыруда иң яхшы тәҗрибәләр.
- Хезмәткә яраклы яшьтәге халык өчен сәламәтлек саклау мохите.
- Өлкән яшьтәге затлар өчен сәламәтлек инфраструктурасы.
- Сәламәтлек саклау мохитен мониторинглауның иң яхшы тәҗрибәләре.
Катнашучылар ниләр алачак:
- Проектлар ил күләмендә масштаблаштыруга тәкъдим ителәчәк.
- Иң яхшы тәҗрибәләр Россия Сәламәтлек саклау министрлыгының Фәнни-тикшеренү үзәге һәм РФ Иҗтимагый палатасының рәсми ресурсларында урнаштырылачак, шулай ук федераль форумнарда һәм конференцияләрдә тәкъдим ителәчәк.
- Иң яхшы проектларның авторлары нәтиҗәләрен әйдәп баручы фәнни журналларда бастырып чыгара һәм фәнни-гамәли чараларда чыгыш ясый алачак
Катнашу өчен конкурсның җаваплы сәркатибе Зиновьева Вероника Анатольевнаның электрон почтасына (VZinovieva@gnicpm.ru) документлар пакетын җибәрергә кирәк:
- Билгеләнгән форма буенча тутырылган гариза.
- PowerPoint презентациясе (10 слайдтан артык булмаска тиеш).
- Өстәмә материаллар (фото, видео), болыт саклагычына сылтама аша.
- «Интернет» челтәрендә шәхси белешмәләрне, казанышларны, фото- һәм видеоматериалларны урнаштыруга ризалык.
В теме письма обязательно указать: Конкурс «Здоровьесберегающая среда и инфраструктура».
Хатның темасында «Сәламәтлекне саклый торган мохит һәм инфраструктура» конкурсын күрсәтү мәҗбүри.
Үткәрү сроклары:
Гаризалар кабул итү: 2026 елның 7 сентябре – 6 ноябре.
Эксперт комиссиясе эше: 2026 елның 7 ноябре – 6 декабре.
Йомгак ясау һәм җиңүчеләрне игълан итү: 2026 елның 7 декабре.
Конкурс турында тулырак мәгълүмат сайтта урнаштырылган.