Газ җиһазларыннан файдалану куркынычсызлыгы турында ТР ДТИ каршындагы Иҗтимагый совет утырышында фикер алыштылар
30 июньдә Татарстан Республикасы Дәүләт торак инспекциясе каршындагы Иҗтимагый совет утырышы булды. Чарада ТР Иҗтимагый палатасы әгъзалары Фәрит Сафин һәм Борис Королев катнашты.
Утырышта борчылырлык динамика билгеләнде: республикада торак биналарда газ җиһазларын куллану белән бәйле һәлакәтләр ешайды. Катнашучылар килеп чыккан вәзгыятьнең мөмкин булган сәбәпләре һәм гражданнарның куркынычсызлыгын арттыруга юнәлдерелгән чаралар турында фикер алыштылар.
Фикер алышу йомгаклары буенча «Газпром» ГАҖ һәм Татарстан Республикасы прокуратурасы вәкилләрен чакырып, Татарстан Республикасы Иҗтимагый палатасы мәйданчыгында киңәйтелгән киңәшмә үткәрү турында карар кабул ителде. Бу системалы чишелешләр булдырырга һәм күпфатирлы йортларда газ җиһазларын эксплуатацияләү кагыйдәләрен үтәү буенча контрольне көчәйтергә мөмкинлек бирәчәк.