«Бер миссия тарихы»: НКОдагы гаиләләр үз тарихларын видеороликлар фестиваль-конкурсында сөйли алалар
Татарстан Республикасы Иҗтимагый палатасы «АК БАРС СОЗИДАНИЕ» Хәйрия фонды белән берлектә хәрби һәм хезмәт батырлыгы елы кысаларында «Бер миссия тарихы: коммерцияле булмаган оешмада гаиләләр» республика иҗади фестиваль-конкурсы башлануы турында игълан итә. Чара Гаилә, мәхәббәт һәм тугрылык көнен бәйрәм итүгә багышланган.
Фестиваль Россиянең традицион рухи-әхлакый кыйммәтләрен ныгытуга, социаль юнәлешле коммерцияле булмаган оешмаларның шәхесара ныклы элемтәләр, гражданлык җаваплылыгы һәм гаилә союзлары булдыру өчен мәйдан буларак ролен җәмәгатьчелектә тануны арттыруга юнәлдерелгән.
Катнашуга социаль юнәлешле коммерцияле булмаган оешмалар хезмәткәрләре, шулай ук һөнәри яисә ирекле эшчәнлеге коммерцияле булмаган сектор белән бәйле гаилә һәм гаилә династияләре вәкилләре чакырыла.
Катнашу өчен:
- 3 минутка кадәр озынлыкта видеоролик әзерләргә (avi, mp4 форматларында, сыйфаты 1280х720 дән түбән булмаган, горизонталь);
- видеоны ВКонтакте социаль челтәрендә түбәндәге хэштеглар белән урнаштырырга: #СемьиВНКО #ОбщественнаяПалатаТатарстана #АКБАРССОЗИДАНИЕ #ТАТАРСТАН;
- публикациягә сылтама белән гаризаны, «Семьи в НКО» тамгасы һәм муниципаль районны күрсәтеп, abcbf@yandex.ru электрон почта адресына җибәрергә .
Гаризалар 2026 елның 6 июленә 23:00 сәгатькә кадәр кабул ителә. Нәтиҗәләр 2026 елның 15 июлендә ясалачак.
Өч номинациядә җиңүчеләр дипломнар һәм призлар белән бүләкләнәчәк.
Бәяләү критерийлары
- материалның эчтәлеге (теманы ачу тирәнлеге, хикәяләү мантыйгы);
- чыгыш ясаучының ораторлык осталыгы;
- төшерү сыйфаты;
- креативлык (оригиналь идеяләр, локация сайлау, реквизитлар куллану).
Барлык сораулар буенча (843) 528-29-00 телефоны буенча яисә abcbf@yandex.ru электрон почта адресы аша мөрәҗәгать итәргә мөмкин.