ТР Иҗтимагый палатасы әгъзалары «2026 елның иң яхшы яшь укытучысы» конкурсында җиңүчеләрне бүләкләүдә катнаштылар
2026 елның 18 маенда Татарстан Республикасы Иҗтимагый палатасының мәгариф, фән һәм мәгърифәтчелек эшчәнлеге мәсьәләләре комиссиясе рәисе Тамара Федорова һәм комиссия әгъзасы Юлия Кареева «2026 елның иң яхшы яшь укытучысы» республика конкурсында җиңүчеләрне һәм призерларны бүләкләү тантанасында катнаштылар.
Конкурсны Татарстан Республикасы Яшьләр эшләре министрлыгы, «Казан ачык талантлар университеты 2.0» автоном коммерцияле булмаган оешма Татарстан Республикасы Хөкүмәте ярдәмендә оештырды.
Тантанада Татарстан Республикасы Рәисе ярдәмчесе Альберт Гыйльметдинов һәм ТР Яшьләр эшләре министры Азат Кадыйров катнашты, алар җиңүчеләргә һәм финалга чыгучыларга бүләкләр тапшырдылар. Чарада шулай ук конкурсның эксперт жюри әгъзалары да катнашты.
Конкурс җиңүчеләре һәм призерлары:
- I урын – Тимур Петров, КДЭУның сәнәгать предприятиеләрен электр белән тәэмин итү кафедрасы мөдире. Ул Татарстан Республикасы Рәисенең кадрлар резервына керү мөмкинлеген алды.
- II урын – Камилә Хәсәнова, КДМУның эндокринология кафедрасы ассистенты, медицина фәннәре кандидаты.
- III урын – Олег Бабиков, КДЭУның атом һәм җылылык электр станцияләре кафедрасы өлкән укытучысы, конкурстагы иң яшь катнашучы.
Конкурс 2023 елдан бирле үткәрелә һәм югары уку йортларының 35 яшькә кадәрге талантлы яшь укытучыларын ачыклауга һәм аларның һөнәри компетентлыгын үстерүне стимуллаштыруга юнәлдерелгән. Чара ел саен үткәрелә: көзен конкурсның дүртенче сезоны старт ала.
