Татарстан Республикасы иҗтимагый оешмаларының һәм берләшмәләренең коррупциягә каршы көрәш буенча IX Советы булды
Чара, гадәттәгечә, Халыкара коррупциягә каршы көрәш көненә багышланган иде һәм 14 ноябрьдә Казан дәүләт аграр университетында үткәрелде.
Утырышны коррупциягә каршы көрәш буенча Татарстан Республикасы иҗтимагый оешмалары һәм берләшмәләре Советы Рәисе, ТР Иҗтимагый палатасы эксперты Сергей Алексеев ачып җибәрде. Ул ассызыклаганча, елдан-ел чараның масштаблары арта бара: «2020 елда без халыкара статуска ия булдык, совет эшендә Берләшкән дәүләтләр берләшмәсе илләреннән сигез вәкил катнашты, ә бүген илебезнең төрле почмакларыннан 750дән артык кеше һәм безгә дус булган 20 илдән 80нән артык кеше катнаша».
Катнашучыларга сәламләү сүзе белән Казан дәүләт аграр университеты ректоры вазифаларын вакытлыча башкаручы Илшат Нуриев, идарә башлыгы урынбасары – Коррупциягә каршы сәясәт мәсьәләләре буенча Татарстан Республикасы Рәисе идарәсенең коррупциягә каршы мониторинг бүлеге мөдире Рөстәм Гаязов, Татарстан Республикасы Иҗтимагый палатасының хокукый мәсьәләләр һәм җәмәгать контроле комиссиясе рәисе урынбасары Артур Мостаев, «Җәмәгать контроле илкүләм комитеты» төбәкара иҗтимагый берләшмәсе идарәсе рәисе Мансур Йосыпов мөрәҗәгать итте.
Татарстан Республикасы иҗтимагый оешмаларының һәм берләшмәләренең коррупциягә каршы көрәш буенча IX Советында Татарстан Республикасы һәм Россия Федерациясе закон чыгару, башкарма һәм суд хакимияте вәкилләре, авыл хуҗалыгы товар җитештерүчеләре, хокук саклау органнары, мәгариф оешмалары, дини конфессияләр вәкилләре, иҗтимагый оешмалар һәм берләшмәләр җитәкчеләре, эшмәкәрләр җыелды. Дискуссия форматында хәзерге заманда янаган куркынычлар шартларында икътисади һәм азык-төлек куркынычсызлыгын тәэмин итү системасында коррупциягә каршы торуның актуаль проблемалары турында фикер алыштылар.
Совет эшендә ТР Иҗтимагый палатасы әгъзасы, «Сугышчан туганлык» Бөтенроссия ветераннар оешмасының Татарстан республика бүлекчәсе башкарма комитеты җитәкчесе Вениамин Чубаренко катнашты.
Советта катнашучылар ассызыклаганча, дәүләт органнары, эшмәкәрлек субъектлары, граждан җәмгыяте институтларының хезмәттәшлегенә һәм үзара хезмәттәшлегенә юнәлтелгән уртак тырышлыклар гына коррупциягә каршы көрәш өлкәсендә уңай нәтиҗәләргә китерәчәк.
