Казанда Иҗтимагый советның беренче составы формалаша
Казанда шәһәр Иҗтимагый советының беренче составы формалаша. Иҗтимагый берләшмә һәм коммерциягә карамаган оешма гражданнарын катнашырга чакырабыз. Гаризалар 30 сентябрьгә кадәр кабул ителәчәк.
Оешмадан кандидатны тәкъдим итү өчен анкетаны электрон рәвештә сылтама буенча тапшырырга яисә кирәкле документларны Казан Башкарма комитетының гражданнар һәм оешмалар мөрәҗәгатьләре белән эшләү бүлегенә түбәндәге адрес буенча тапшырырга кирәк: Кремль урамы, 3 йорт.
Гаризага оешманы дәүләт теркәвенә алу турында таныклык күчермәсен, устав күчермәсен һәм кандидатны күрсәтү турында карар кабул итүченең вәкаләтләрен раслый торган документларны, кушымта нигезендә кандидат анкетасын, катнашуга һәм шәхси мәгълүматларын эшкәртүгә кандидатның язма ризалыгын да тапшырырга кирәк.
Гаризалар 30 сентябрьгә кадәр кабул ителәчәк. Иҗтимагый совет турында тулырак мәгълүматны һәм документлар исемлеген KZN.RU порталында Казан шәһәре муниципаль берәмлеге Иҗтимагый советы бүлегендә карарга мөмкин.