Азнакай районы Иҗтимагый советы җәйге лагерьдә ял итүче балалар белән бергә ТР Иҗтимагый палатасының «Бүләккә китапханә» акциясенә кушылды
Азнакай районы ТР Иҗтимагый палатасының «Бүләккә китапханә» акциясенә кушылды. «Азнакай» балалар шифаханә-лагере һәм «Кояшкай» балалар савыктыру лагеренда тәрбияләнүчеләр «Бүләккә китапханә» акциясендә бик илһамланып катнаштылар. Балалар җылы сүзләр язылган открыткалар, хатлар әзерләделәр, алар Рубежное һәм Лисичанск шәһәрләре укучыларына тапшырылачак. Һәр открытка – ул игелек, ярдәм һәм балаларның тынычлыкка, дуслыкка һәм үзара аңлашуга ихлас өметенең бер өлеше.
Барлык балаларга һәм тәрбиячеләргә мондый игелекле һәм мөһим инициативада катнашканнары өчен рәхмәт белдерәбез!
Акция дәвам итә! Сез китапларны 2025 елның 10 августына кадәр ТР Иҗтимагый палатасына түбәндәге адрес буенча тапшыра аласыз: Казан шәһәре, Батурин урамы, 7а, 136 каб.
Китапларга икенче тормыш бүләк итегез – алар Лисичанск һәм Рубежное халкы өчен белем һәм илһам чыганагы булсын.
