ТР Иҗтимагый палатасы әгъзасы Елена Скобельцына «Дуслык» сәламәтләндерү-белем бирү комплексында җәйге сменада булды
2025 елның 15 июлендә Татарстан Республикасы Иҗтимагый палатасының мәгариф, фән һәм мәгърифәтчелек эшчәнлеген үстерү комиссиясе әгъзасы Елена Скобельцына «Дуслык» сәламәтләндерү-белем бирү комплексында булды, анда балалар өчен җәйге смена оештырылган.
Дәрвишләр бистәсендә урнашкан комплекс Татарстаннан гына түгел, Россиянең башка төбәкләреннән дә 150 укучыны җыйды. Балалар уку, иҗат һәм актив ялны берләштергән бай белем бирү программасында катнашалар.
Елена Скобельцына рус теле һәм әдәбияты дәресенә керде, анда балалар һәм педагоглар белән аралаша алды. Сменада катнашучылар үзләренең хис-кичерешләре белән уртаклашты, оештыруның югары дәрәҗәдә булуын һәм яхшы атмосфераны билгеләп үттеләр. Укучылар шулай ук дәресләрнең бик кызыклы булуын, ашханәдә тәмле ашатуларын билгеләп үттеләр.
