Бөгелмә районы Иҗтимагый советы рәисе «Үзенчәлекле балалар өчен үзенчәлекле көн» бәйрәмендә катнашты
10 июльдә Епископ Мефодий чакыруы буенча Бөгелмә районы Иҗтимагый советы рәисе Елена Архарова «Үзенчәлекле балалар өчен үзенчәлекле көн» бәйрәмендә катнашты.
Бу көнне Бөгелмәнең Казан Богородица монастырена экскурсия оештырылды. Владыка балалар һәм аларның ата-аналары өчен экскурсия үткәрде, гыйбадәтханә, аның тарихы, изге монастырьның яңадан торгызылуы турында сөйләде. Аннары экскурсия Бөгелмә шәһәрендә беренче епископ Никита Орехово-Зуевский хөрмәтенә төзелә торган чиркәү территориясендә дәвам итте.
Экскурсиядән соң кунакларны бәйрәм концертына һәм табынга чакырдылар, балаларга бүләкләр тапшырдылар.
Чарада Мэр урынбасары Ирина Белова, Әлмәт епархиясенең социаль хезмәт бүлеге җитәкчесе Константин Петряев, Лениногорск округы благочинный вазыйфаларын башкаручы Георгий ата, сестричествоның шәфкатьлелек туташлары катнашты.
Очрашуда сәламәтлеге ягыннан мөмкинлекләре чикләнгән балалы гаиләләрнең тормыш сыйфатын яхшыртуга юнәлдерелгән уртак проектлар турында фикер алышынды, алдагы уртак чаралар билгеләнде.
