ТР Иҗтимагый палатасы әгъзалары Дәүләт Советы Президиумының күчмә утырышында катнаштылар

Бүген Югары Ослан районында узган Дәүләт Советы Президиумының күчмә утырышында махсус хәрби операциядә катнашучыларга һәм ветераннарга һәм аларның гаилә әгъзаларына ярдәм мәсьәләләре хакында фикер алыштылар.

Утырыш башланганчы президиум әгъзалары «Ватанны саклаучылар» дәүләт фондының Татарстан Республикасы буенча филиалында булдылар, социаль координаторларның, психологик ярдәм төркемнәренең, юридик ярдәмнең эше белән таныштылар.

Утырышта махсус операциядә катнашучыларга һәм аларның гаилә әгъзаларына республикада гамәлгә ашырыла торган ярдәм чаралары турында җентекләп ТР Хезмәт, мәшгульлек һәм социаль яклау министры урынбасары Наталья Бутаева һәм ТР сәламәтлек саклау министры урынбасары Владимир Филатов сөйләде.

Владимир Филатов билгеләп үткәнчә, махсус операциядә катнашучыларга медицина ярдәме хәрби госпитальдә һәм сугыш ветераннары госпитальләрендә күрсәтелә. Моннан тыш, РКБ базасында, 7 нче шәһәр клиник хастаханәсендә, Казанның Сугыш ветераннары госпиталендә төрле профильләр буенча 460 койка урнаштырылган. «Әлбәттә, республикада махсус операциядә катнашучыларга медицина ярдәме күрсәтү буенча зур эш алып барыла», - дип ассызыклады Фәрит Мөхәммәтшин.   

Яшь парламентарийлар, республиканың барлык халкы кебек үк, бу эшкә актив җәлеп ителгән. Дәүләт Советы каршындагы Яшьләр парламенты рәисе Дамир Нургалиев билгеләп үткәнчә, яшьләр парламенты әгъзалары берничә тапкыр сугышчыларга һәм аларның гаилә әгъзаларына, шулай ук Курск өлкәсендә зыян күрүчеләргә гуманитар ярдәм җыю инициаторы һәм кураторы булган. Яшь парламентарийлар тарафыннан 20дән артык гуманитар йөк җибәрелгән. «Ярдәм янәшә. Помощь рядом!» төбәк хәрәкәте белән берлектә Курск халкы өчен уникаль адреслы җыелмалар формалаштырылган. «Бүгенге көндә команда чираттагы юлга әзерләнә. Сәфәрнең максаты – Татарстан шефлыкка алган Рубежное һәм Лисичанск шәһәрләренең социаль учреждениеләренә гуманитар ярдәм тапшыру», - дип ассызыклады Дамир Нургалиев.

Фикер алышу нәтиҗәләре буенча СВОда катнашучыларга һәм аларның гаилә әгъзаларына ярдәм күрсәтү буенча конкрет тәкъдимнәр һәм рекомендацияләр белән Дәүләт Советы Президиумы карары кабул ителде, ул республика хөкүмәте, башкарма һәм муниципаль хакимият органнары адресына җибәреләчәк.

Бүген Югары Ослан Геройлары паркында Ватанны саклаучылар истәлегенә чәчәкләр салу тантанасы узды.