«Әни-эшмәкәр» программасына гаризалар кабул итү дәвам итә
«Әни-эшмәкәр» - үз бизнесын башларга ниятләгән хатын-кызлар өчен уникаль федераль программа. Ул бизнес-идеяле яки инде эшли торган һәм шул ук вакытта балалары булган хатын-кызларга ярдәм итү өлкәсендәге белем бирү проектыннан гыйбарәт.
Программа инде 10 елдан артык гамәлгә ашырыла һәм быел төбәк этаплары Россиянең 70 төбәгендә узачак.
Катнашучы сыйфатында бер үк вакытта берничә шартка туры килгән хатын-кызлар була ала, атап әйткәндә:
- Балигъ булмаган балалары булган яки декрет ялында булган хатын-кызлар, шул исәптән уллыкка алучы хатын-кызлар, опекун хатын-кызлар, попечитель хатын-кызлар яки тәрбиягә бала алган әниләр;
- Быел башка төбәкләрдә «Әни - эшмәкәр» программасында катнашмаган хатын-кызлар;
- Бизнес алып бармаган хатын-кызлар, үзмәшгульләр яки шәхси эшмәкәрләр (1 елдан артык түгел).
Иң яхшы төбәк проекты 100 000 сум күләмендә грант алачак.
Тренинглар барышында катнашучылар үз проектларының бизнес-планын әзерлиләр. Финал көне катнашучыларның идеяләрен яклауга багышланган - бу һәр бизнес-идеяне ныклыкка тикшерү!
Программада катнашу өчен самопредприниматель.рф сайтында форманы тутырырга кирәк.
Гаризаларны тапшыру срогы: 2024 елның 12 августына кадәр.
Татарстан Республикасында программа 19 августтан 23 августка кадәр узачак. Бу эшмәкәрлек нигезләре һәм бизнес белән нәтиҗәле идарә итү буенча биш көнлек тренинг булачак, шулай ук катнашучыларның йомгаклау бизнес-проектларын финал көнендә яклау булачак!
Программа «Кече һәм урта эшмәкәрлек» илкүләм проекты кысаларында Татарстан Республикасы Икътисад министрлыгы ярдәмендә гамәлгә ашырыла.