2025 елда төзекләндерү өчен парклар, скверлар һәм ишегаллары сайлыйбыз

Иҗтимагый киңлек нидән гыйбарәт? Аралашу, ял итү, уеннар, спорт һәм, әлбәттә, табигатьтән. Республикабызда мондый мәйданчыклар елдан-ел арта бара. «Уңайлы шәһәр мохитен формалаштыру» Федераль проектын 7 ел гамәлгә ашыру дәвамында Татарстанда 225 парк, сквер, яр буе төзекләндерелде.

Ә бу эштә халык үзе ярдәм итә! Киләсе елда төзекләндереләчәк иҗтимагый киңлекләр өчен бөтенроссия онлайн-тавыш бирүендә катнашып, безнең һәрберебез туган республикабызның тышкы кыяфәтенә тәэсир итә ала.

https://gorodsreda.tatar.ru адресы буенча сайтка яки ТР Дәүләт хезмәтләре порталына керегез һәм үз тавышыгызны калдырыгыз. Моны 30 апрельгә кадәр башкарырга мөмкин.

Карточкаларда моны ничек эшләргә кирәклеге турында гади күрсәтмә бар.