Татарстанлыларны 2023 ел йомгаклары буенча ТР Яшьләр эшләре министрлыгының ачык формалаштырылган максатларын һәм бурычларын тормышка ашыру нәтиҗәләре турындагы хисапны тикшерүдә катнашырга чакырабыз
2024 елның 20 февралендә Татарстан Республикасы Иҗтимагый палатасында 2023 елда Татарстан Республикасы Яшьләр эшләре министрлыгының халык алдында формалаштырылган максатларын һәм бурычларын тормышка ашыру нәтиҗәләре буенча иҗтимагый фикер алышулар узачак
Теләге булган һәркем Татарстан халкы өчен мөһим булган мәсьәләләр буенча фикер алышуда катнаша ала:
– Яшьләрне эшкә урнаштыру системасын үстерү. 15 мең кешелек яшьләрне даими укудан һәм эштән буш вакытта вакытлыча, сезонлы һәм икенчел эш белән тәэмин итү;
– Яшь гаиләләргә ярдәм. Субсидияләр, ташламалы ипотека, процентсыз рассрочка форматында дәүләт яшьләр торак программалары кысаларында үз торак шартларын яхшырткан яшь гаиләләр санын елына 1500 яшь гаиләгә кадәр арттыру;
– Балалар һәм яшьләр өчен профессиональ һәм уңайлы психологик ярдәм формалаштыру өчен шартлар тудыру. Ким дигәндә 220 мең кешегә психологик ярдәм күрсәтү;
– Балалар һәм яшьләрне патриотик тәрбияләүне үстерү. Татарстан Республикасының барлык муниципаль берәмлекләрендә 60 меңнән ким булмаган кешене колачлый торган «Яшьләрне патриотик тәрбияләү» ведомствоара программаларын гамәлгә ашыру;
– «Интернет»челтәрендә балалар һәм яшьләр арасында деструктив күренешләрне профилактикалау. 220 меңнән артык кешене колачлаган «Интернет» челтәрендә яшьләрнең куркынычсыз тәртибе культурасын һәм күнекмәләрен формалаштыру буенча чаралар комплексын эшләү һәм гамәлгә ашыру;
– Балалар һәм яшьләрнең иҗади үз-үзләрен тормышка ашыру өчен шартлар тудыру. Иҗади юнәлештәге проектларда катнашкан Татарстан Республикасы балалары һәм яшьләре вәкилләрен колачлауны 370 мең кешегә кадәр арттыру;
– Балалар һәм яшьләрнең практик күнекмәләрен камилләштерү. 5 меңнән ким булмаган балалар һәм яшьләр өчен бушлай психологик онлайн-тренинглар һәм программалар эшләү һәм кертү.
Җәмәгать фикер алышулары җыелышында катнашучыларны теркәү оештыручылар тарафыннан электрон формада түбәндәге сылтама буенча үткәрелә https://forms.yandex.ru/u/65b120e3e010db3b1312bd4d/.