Иҗтимагый палата экспертлары 2023 елга белем бирү системасының өстенлекле максатлары һәм бурычлары буенча тәкъдимнәр белән чыгыш ясады

Эксперт сессиясе 2022 елның 10 октябрендә Татарстан Республикасының Мәгариф һәм фән министрлыгында узды. Мәгариф һәм тәрбия, һөнәри белем бирү һәм фәнни тикшеренүләр өлкәсендәге эшчәнлекнең аеруча мөһим юнәлешләре турында җанлы дискуссия булды.

Экспертлар халыкны сораштыру оештырылачак бурычлар даирәсен күрсәтте. Гражданнар ноябрь дәвамында Татарстан Республикасы Мәгариф һәм фән министрлыгы өчен иң актуаль максатлар һәм бурычлар өчен https://publictasks.tatarstan порталында тавыш бирәчәк.

Нәтиҗәдә, республиканың Мәгариф һәм фән министрлыгы каршындагы Иҗтимагый совет гражданнарның күпчелек тавышын җыйган 5-7 төп максатны сайлап алачак. 2023 ел дәвамында министрлык бу бурычларны үтәүне аерым контрольдә тотачак, ә Иҗтимагый палата әгъзалары һәм экспертлары гавами приоритетларны гамәлгә ашыру өстендә даими рәвештә җәмәгатьчелек күзәтүе алып барачак.

Экспертлар сессиясендә Татарстан Республикасы Иҗтимагый палатасы эксперты Рөстәм Хәйбрахманов катнашты.