Бөгелмә шәһәренең үзәк мәйданында Яңа ел шәһәрчеге - «Бугулькрафт»
«Бугулькрафт». Бөгелмәнең үзәк мәйданында Яңа ел шәһәрчеге нәкъ менә шундый исем йөртә. Яңа ел бизәлеше концепциясе турында архитектор Артем Цокур сөйләде.
"Майнкрафт" галәм стилен булдыру идеясе очраклы гына барлыкка килмәде. Без шәһәр яшьләренә мөрәҗәгать иттек – шәһәр мәктәпләрендә яңа ел бизәлеше темасына рәсем дәресләре үткәрдек. Балаларның ихтыяҗларын өйрәндек. Күп эшләр нигез итеп алынды. Яшь архитекторлар белән берлектә Яңа ел шәһәрчеге макетын төзеделәр һәм уртак идеяләр эшләделәр", - дип сөйләде Артем Цокур.
Татарстан Республикасында 2022 ел цифрлаштыру елы дип игълан ителде. Киләсе елның тематикасы үзе сценарийны виртуаль киңлеккә төшү кирәклеген әйтә. Шулай итеп, «Майнкрафт» уены балалар өчен виртуаль киңлеккә әверелә, анда алар шәһәр төзиләр. «Бугулькрафт» шәһәрен булдыру идеясе нәкъ менә шулай туды да инде, анда күп кенә таныш геройларны күрергә мөмкин.
«Татнефть» ГАҖ ярдәме белән үзәк мәйданда яңа ут инсталляцияләре барлыкка киләчәк, алар шәһәрлеләр өчен фотозона булачак. Шәһәрчекне «Яңа Ел Белән» дип язылган самолет, ретро-автомобиль, щелкунчиклы циферблат һәм карнавал битлеге бизәячәк. Болар барысы да Бөгелмә халкына һәм кунакларга кышкы әкияткә чумарга мөмкинлек бирәчәк.
Мәйданның төп атрибуты 17 метрлы чыршы булачак. Шулай ук «Пакман» уены стилендә лабиринт төзү дә планлаштырылган. Уен персонажы 4 метрлы лабиринт башында торачак. Лабиринт озынлыгы-70 метр. Ул шәһәрнең үзәк өлешендә урнашачак.
Яңа ел шәһәрчегенең төп геройлары кар сыннары булачак-8гә якын кар сыны ясау планлаштырыла. В. Ленин урамы буенда җәяүлеләр зонасында «Арт-Куб» дип аталган иҗади рәсемнәр күргәзмәсе оештыру планлаштырыла.
Төп Яңа ел шәһәрчеген булдыру эшенә Бөгелмә муниципаль районының 50ләп оешмасы җәлеп ителгән.
