Иҗтимагый контроль буенча Татарстан Республикасы ИП комиссиясе рәисе Артур Мостаев коррупцион хокук бозуларны профилактикалау мәсьәләләре буенча матбугат конференциясендә катнашты
18 ноябрьдә «Татар-информ» мәгълүмат агентлыгында җирле үзидарә өлкәсендә коррупцион хокук бозуларны профилактикалау һәм дәүләт хакимияте органнары, җирле үзидарә органнары эшчәнлегенә җәмәгать контролен оештыру мәсьәләләре буенча матбугат конференциясе узды. Матбугат конференциясендә ТР Президентының коррупциягә каршы сәясәт мәсьәләләре идарәсе баш киңәшчесе Салават Рәхимов, Теләче муниципаль районы башлыгы Нәҗип Хаҗипов, ТР Түбән Кама районы башкарма комитеты җитәкчесе Рамил Муллин, Башкарма сәркатип урынбасары – «Татарстан Республикасы Муниципаль берәмлекләре советы» ассоциациясенең юридик идарәсе башлыгы Сергей Столяров, ТР ИП Иҗтимагый контроль комиссиясе рәисе Артур Мостаев катнашты.
Үз чыгышында Артур Мостаев ТР Иҗтимагый палатасының иҗтимагый контроль буенча эше турында сөйләде.
ТР Иҗтимагый палатасы әгъзалары коррупциягә каршы тору мәсьәләләре буенча иҗтимагый кабул итү бүлмәсе үткәрәләр, коррупциягә каршы тору буенча республика эксперт төркеме эшендә катнашалар, иҗтимагый советлар белән берлектә күрсәтелә торган дәүләт һәм муниципаль хезмәтләрнең сыйфатына бәйсез бәя бирәләр, җәмәгать контролен гамәлгә ашыру буенча норматив-хокукый базаны актуальләштерү һәм булдыру белән шөгыльләнәләр, Россия Федерациясенең милли проектлары үтәлешен һәм укучыларны кайнар аш белән тәэмин итүне оештыру буенча җәмәгать контролен гамәлгә ашыралар, бу эштә компетенцияләрне үстерү буенча укулар үткәрәләр.
Матбугат конференциясе ел саен 9 декабрьдә билгеләп үтелә торган Халыкара коррупциягә каршы көрәш көненә багышланган чаралар үткәрү кысаларында узды.
https://www.youtube.com/watch?v=xM-KCsEntyw&feature=youtu.be
