ТР Иҗтимагый палатасы әгъзалары һәм экспертлары "Берләшмә" форумында катнаштылар
24-25 августта Саранскида «Берләшмә» форумы узды.
Татарстан Республикасыннан ТР Иҗтимагый палатасы рәисе Зилә Вәлиева, ТР Иҗтимагый палатасы Рәисе урынбасарлары Мөнир Гафиятуллин һәм Анастасия Исаева, ТР Иҗтимагый палатасы әгъзалары Азат Гайнетдинов, Дилбәр Садыкова, Наталья Реснянская, Татарстан Республикасы Сәүдә-сәнәгать палатасының сувенир продукциясе һәм халык сәнгать һөнәрләре комитеты рәисе Диана Басырова, «Сәләт» яшьләр үзәге директоры урынбасары Игорь Смирнов катнашты.
Актив гражданнарның өченче төбәк форумы «Социаль лифтлар: үз-үзләрен күрсәтү өчен мөмкинлекләр тудыру» пленар сессиясе белән ачылды. Ике көнлек форум барышында панель дискуссияләрдә, эксперт сессияләрендә, мастер-классларда һәм тренингларда катнашучылар яшьләр өчен социаль лифтлар эше, талантлар эзләү, Авыл территорияләрен һәм шәһәр тирәлеген, социаль эшкуарлыкны һәм милләтара мөнәсәбәтләрне үстерү мәсьәләләрен карадылар.
«Авылны үстерү» тематик трекы кысаларында сүз туристларны авылга җәлеп итү, авыл мәдәният учреждениеләрен үстерү, авыл хуҗалыгы җитештерүчеләренә ярдәм итүнең актуаль чаралары һәм аларның продукциясен реализацияләүнең яңа каналлары турында барды. «Яшьләр сәясәте» һәм «Белем бирү траекторияләре» треклары талантларны эзләү һәм үстерү системасын булдыруга һәм яшьләрне төбәкләрнең технологик үсешенә кертүгә багышланган иде. Форумда катнашучылар төбәк үсеше драйверы буларак социаль эшкуарлыкны карадылар, шулай ук уңышлы социаль бизнес булдыру буенча мастер-класста катнашачаклар. «Милләтара мөнәсәбәтләр» трекы милләтара бердәмлекне ныгытуда гражданлык җәмгыяте һәм иҗтимагый контрольнең роле турында фикер алышу урынына әйләнде. РФ ОП университеты кысаларында экспертлар коммерцияле булмаган оешмаларның «Мин прививкалардан курыкмыйм» кампаниясенә ничек кушылулары турында сөйләделәр.
Шулай ук Россия Федерациясе Иҗтимагый палатасы секретаре Лидия Михеева булачак сайлауларда тавыш бирүне иҗтимагый контрольдә тоту буенча Координацион совет җитәкчеләре белән киңәшмә үткәрде, анда гражданнарның сайлау хокукларын яклау, сайлауларда катнашучылар һәм экспертлар арасында үзара хезмәттәшлекне оештыру, күзәтүчеләрне укыту – төп бурычлар турында аерым ассызыклады. Алда торган сайлауларда төп яңалык «Мобиль күзәтүче» кушымтасын куллану булачак. Кушымта ярдәмендә сорашып белешүдән файдаланырга, ачыкланган җитешсезлекләрне күрсәтергә, шулай ук онлайн фото - һәм видеоматериалларны җибәрергә мөмкин булачак.
