ТР Иҗтимагый палатасы рәисе урынбасары Мөнир Гафиятуллин Россия Федерациясе Иҗтимагый палатасында җәмәгать тыңлауларында катнашты
24 майда Татарстан Республикасы Иҗтимагый палатасы рәисе урынбасары Мөнир Гафиятуллин Россия Федерациясе Иҗтимагый палатасында «Тәмәке һәм никотинлы продукция әйләнешен көйләү мәсьәләләре. Аларны сатуда кече һәм урта эшкуарлыкның роле һәм урыны" темасына түгәрәк өстәл утырышында катнашты.
Җәмәгать тыңлауларында катнашучылар тәмәке һәм никотинлы продукция әйләнеше өлкәсендәге агымдагы вәзгыять турында фикер алыштылар һәм икътисадның бу секторында легаль кече һәм урта бизнесны үстерү өчен кирәкле тәмәке һәм никотинлы продукцияне ваклап сатуны җайга салуда өстенлекле юнәлешләрне билгеләделәр.
Тәмәке һәм никотинлы продукциянең легаль булмаган әйләнеше белән бәйле дәүләт бюджетының еллык югалтулары кайбер Россия төбәкләренең еллык бюджетыннан артып китә, дип билгели экспертлар. Легаль булмаган сәүдә проблемасы шулай ук законнарны үтәүче ваклап сату бизнесына да суга, иҗтимагый мәнфәгатьләргә куркыныч тудыра, дип ассызыкладылар тыңлауларда катнашучылар.
«Россия терәге» президенты Александр Калинин билгеләп үткәнчә, кертелгән маркировка легаль продукциянең юлын тулысынча тикшерергә мөмкинлек бирә, әмма легаль булмаган сәүдә өчен алшартлар көчәйгән генә: «Россия һәм Евразия икътисадый берлеге илләре арасында тәмәке продукциясенә акцизларда аерма үсә, бу контрабанданың төп сәбәбе. Чик буе территорияләрендә микробизнесны продукциянең криминаль әйләнешенә кертәләр. Легаль бизнес легаль булмаган сәүдәгәрләрне кысрыклап чыгара алыр иде, сәүдә форматларының ясалма чикләүләрен алсалар".
Тәмәке һәм никотинлы продукция белән сәүдә итү өлкәсендә билгеләнгән чикләүләрне һәрьяклап бәяләүнең максаты һәм аз форматлы ваклап сату дискриминациясен туктату, дип ассызыклады Владлен Максимов, аз форматлы сәүдә ассоциациясе президенты. Ул түбәндәгеләрне билгеләп үтте: «РФ Иҗтимагый палатасын җәлеп итеп һәм бергәлекләрнең эксперт һәм бизнесы фикерен исәпкә алып, 15нче федераль канунның факттагы йогынтысын бәяләү зарур».
легаль булмаган тәмәке һәм никотин булган продукцияне сату өлкәсендә җәмәгать контролен һәм закон чыгару чараларын алга таба үстерү зарурлыгын Алексей Чиков билгеләп үтте, "Опора России" комитетының җаваплы секретаре, ә Александр Оськин, басма продукция тарату буенча басма индустрия предприятиеләре берлеге вице-президенты, тәмәке продукциясен сатуны тыю белән өлешчә бәйле икътисадый сәбәпләр буенча матбугат белән киоскларның базарда зур зыян күрүенә игътибарны юнәлтте.
Чара азагында Борис Алешин, никотинлы яңа төр продукция әйләнешен җайга салу аның әйләнеше кагыйдәләре күзлегеннән генә түгел, техник җайга салу чаралары ягыннан да камилләштерүне таләп итә, дип ассызыклады.
"Куркынычсызлык һәм контроль нормаларына туры килүен бәяләү белән бәйле барлык сорауларны регламентка һәм техник стандартларга, ә соңыннан сертификациягә урнаштырырга мөмкин. Аннары базарда никотин булган продукцияне дөрес позицияләргә ярдәм итәчәк техник норматив-хокукый документ та барлыкка киләчәк ", - диде ул.
