Алабуга аеклык өчен!

9 марттан 18 мартка кадәр Татарстан Республикасы Иҗтимагый палатасының, Алабуга «Аеклык» җәмгыяте, шәһәр һәм район хакимияте, мәгариф идарәсе, «Иллюзион» кинотеатры коллективының наркоманиягә һәм алкоголизмга каршы тору буенча эшче төркем әгъзалары белән берлектә Алабугада аеклыкны раслау буенча курслар сериясе оештырылды.

Барлыгы 12 дәрес, шул исәптән 1, 2, 3, 8, 9, 10 мәктәпләрдә, мәдәният һәм сәнгать көллияте, КФУның Алабуга институтында үткәрелде. Әлеге курслар Алабугада инде өченче ел үткәрелә.

Алабугада аеклык клубы эшли, аны каршы алу җомга көнне 18.00 сәгатьтән башлап Гассар урамы, 15 нче йорт адресы буенча уза.

Чараны оештыруда Әлмәт шәһәренең Тәлгать Шәйхуллин исемендәге "Хәйрия реабилитация үзәге" иҗтимагый хәрәкәте хезмәткәрләре, аның җитәкчесе В. А. Фәхриев зур ярдәм күрсәтте

Шартлы рәвештә хөкем ителгәннәр белән очрашу оештырылды, аек яшәү рәвешен раслау буенча «Кеше потенциалы» дигән күчмә стендлар күргәзмәсе эшләде.

«Аеклык мәктәбе» кысаларында чаралар февраль-март айларында Мәскәүдә, Екатеринбургта, Төмәндә, Чиләбедә, Нефтеюганскида, Әлмәттә һәм башка шәһәрләрдә узды.

Шәһәр халкы, белгечләр, аек хәрәкәт активистлары катнашында актив мәгълүмати-методик, өйрәтү, төрле иҗтимагый аек чаралар Казанда һәм Татарстанның башка шәһәрләрендә яңартылачак.

2021 елда 11 сентябрьдә Бөтенроссия Аеклык бәйрәмен, Татарстан Республикасы Иҗтимагый палатасы, ТР буенча Эчке эшләр министрлыгының наркоконтроль идарәсе, республика наркодиспансеры, Мөселманнарның Диния нәзарәте, Казан епархиясе һәм башка оешмалар белән берлектә берничә дәрес, очрашулар, түгәрәк өстәлләр, семинарлар үткәрү планлаштырыла.