«Быть, а не казаться» Бөтенроссия конкурсы җиңүчесенең мастер-классына теркәлү ачылды
2026 елның 19 мартында Шәһәр мәгариф үзәгендә үзен бөтен илгә белдерергә һәм «Быть, а не казаться» Бөтенроссия конкурсының бер өлеше булырга теләүчеләр өчен мастер-класс үткәреләчәк. Чараны 2025 елгы конкурс җиңүчесе, танылган остаз һәм лидер Илдар Низамиев үткәрәчәк, аның уңышлы итеп гамәлгә ашырылган иҗтимагый әһәмиятле проекты патриотик тәрбия өлкәсендә иң яхшы тәҗрибәләрне күрсәтте.
«Быть, а не казаться» конкурсы Россия Федерациясе Президенты йөкләмәсе буенча Роспатриотүзәк тарафыннан оештырылды. Ул төрле яшьтәге һәм һөнәр ияләрен берләштерә: югары сыйныф укучыларыннан һәм студентлардан алып педагогларга, тәрбия учреждениеләре хезмәткәрләренә, патриотик оешмалар җитәкчеләренә, сугышчан хәрәкәтләр ветераннарына һәм көч ведомстволары белгечләренә кадәр.
Конкурсның максаты – остазлык өлкәсен үстерүгә юнәлдерелгән патриотик тәрбия механизмнарын камилләштерү, шулай ук остазларны иҗтимагый әһәмиятле проектларны гамәлгә ашыруга җәлеп итү.
Конкурсның бурычлары:
- патриотик тәрбия өлкәсендә остазлар берләшмәсен үстерү
- остазларның кадрлар резервын формалаштыру, карьера лифтлары булдыру
- патриотик тәрбия системасында иң яхшы тәҗрибәләрне ачыклау һәм трансляцияләү
- сугышчан хәрәкәтләрдә катнашучыларны социаль адаптацияләү һәм ресоциальләштерү
Конкурста җиңүчеләр кадрлар резервына керү, яңа вазифага яки үз проектларына ярдәмгә дәгъва кылу, Россия буйлап сәяхәткә чыгу, партнерлардан бүләкләр алу һәм илнең алдынгы югары уку йортларында белем алу мөмкинлегенә ия булачак.
19 мартта, 15:00-17:00 сәгатьтә үткәреләчәк мастер-класста Илдар Низамиев конкурста катнашу серләре белән уртаклашачак: ничек итеп жюри игътибарын җәлеп итә алырлык көчле гариза төзергә, үз проектыңны ничек ышандырырлык итеп тәкъдим итәргә. Спикерның девизы: «Җитәр инде хыялланып утырырга — «Быть, а не казаться» конкурсында катнашырга вакыт».
Семинарда катнашучылар ниләр беләчәк:
- үзең турында бөтен РФнә белдерү мөмкинлеге;
- яңа һөнәри дәрәҗәгә ирешү;
- кадрлар резервына керү һәм яңа вазифага билгеләнү;
- ярдәм итәрдәй фикердәшләр табу.
Һәр катнашучыга конкурска әзерлек курсын үтү турында сертификат тапшырылачак.
БИК МӨҺИМ! Семинарга урыннар саны чикләнгән.
Теркәлү мәҗбүри – аннан башка чарага керә алмаячаксыз.
Теркәлү сылтама буенча: https://forms.yandex.ru/u/69a91d4c068ff00c9bdbcc29
Тоелмаска, ә булырга мөмкинлегеңне кулдан ычкындырма!