ТР Иҗтимагый палатасында Татарстанның социаль министрлыклары эше нәтиҗәләре буенча иҗтимагый фикер алышулар булачак
Татарстан Республикасында башкарма хакимият органнарының максатларын һәм бурычларын халык алдында формалаштыру һәм аларның үтәлешенә җәмәгать контроле буенча проектны гамәлгә ашыру дәвам итә. Инициативаның төп принцибы – эшчәнлекнең төрле юнәлешләрен колачлау, максатларны билгеләү һәм хисап бирү процессларының ачык булуы, шулай ук экспертларны һәм киң җәмәгатьчелекне актив җәлеп итү.
2026 елның 17-20 февралендә проект җәмәгать контроленең икенче этабына чыгачак. Татарстан Республикасы Иҗтимагый палатасында (Казан шәһәре, Батурин ур., 7 йорт, 137 зал) 2025 ел йомгаклары буенча алты республика социаль министрлыгының халык алдында формалаштырылган максатларын һәм бурычларын тормышка ашыру барышы турында ачык фикер алышулар булачак.
Чарада гражданнар өчен аеруча мөһим булган сәламәтлек саклау, мәгариф, социаль яклау, хезмәт һәм мәшгульлек, мәдәният, спорт һәм яшьләр сәясәте өлкәләре өчен җавап бирүче министрлыкларның эш нәтиҗәләре каралачак. Ведомстволар һәм җәмгыять арасындагы ачык диалог аларның эшчәнлек нәтиҗәлелеген бәяләргә, уңышларны һәм проблемалы мәсьәләләрне ачыкларга тиеш.
Министрлыкларның үз алдына куелган гавами бурычларның үтәлеше турындагы җентекле хисаплары белән республика халкы проектның рәсми сайтында таныша ала https://publictasks.tatarstan.ru/. бу алдан ук эчтәлекле сораулар һәм тәкъдимнәр әзерләргә мөмкинлек бирә, аларны түбәндәге форма буенча җибәрергә мөмкин: https://oprt.tatarstan.ru/forma-podachi-zamechaniy-i-predlozheniy.htm.
Фикер алышуларда катнашырга барлык кызыксынган гражданнарны, иҗтимагый оешмалар, профессиональ һәм эксперт берләшмәләре вәкилләрен чакырабыз. Чараларда катнашу өчен алдан теркәлү мәҗбүри, ул тиешле җыелышны үткәрү датасына бер көн кала тәмамлана.
Иҗтимагый фикер алышулар үткәрү графигы:
17 февральдә 10:00 сәгатьтә – Татарстан Республикасы Мәдәният министрлыгы – теркәлү өчен сылтама
https://forms.yandex.ru/u/6978d601505690c9affffac4
17 февральдә 15:00 сәгатьтә
– Татарстан Республикасы Спорт министрлыгы – теркәлү өчен сылтама
https://forms.yandex.ru/u/6978dded068ff09cb3e89f43
18 февральдә 13:00 сәгатьтә – Татарстан Республикасы Хезмәт, халыкны эш белән тәэмин итү һәм социаль яклау министрлыгы – теркәлү өчен сылтама
https://forms.yandex.ru/u/6978dd3984227c4e33fb5a84
19 февральдә 13:00 сәгатьтә – Татарстан Республикасы Сәламәтлек саклау министрлыгы – теркәлү өчен сылтама
https://forms.yandex.ru/u/6978db81eb61461c942a29c9
19 февральдә 16:00 сәгатьтә – Татарстан Республикасы Мәгариф һәм фән министрлыгы – теркәлү өчен сылтама
https://forms.yandex.ru/u/6978dc2d02848faba8e3dfd1
20 февральдә 16:00 сәгатьтә – Татарстан Республикасы Яшьләр эшләре министрлыгы – теркәлү өчен сылтама
https://forms.yandex.ru/u/6978dc9af47e73aea3544d0e