Татарстан Республикасы Дәүләт Советы Рәисе Ф.Х. Мөхәммәтшинның Татарстан Республикасы Дәүләт байрагы көне белән котлавы
Хөрмәтле татарстанлылар!
Сезне чын күңелдән Татарстан Республикасы Дәүләт байрагы көне белән котлыйм!
Дәүләт флагы – рәсми символга караганда да күбрәк мәгънәгә ия, нәкъ шуңа күрә бу көн бәйрәм даталары арасында аерым урын алып тора. Менә инде өч дистә елдан артык безнең байрак герб (тугра) һәм гимн белән беррәттән республиканың мәдәни байлыгын гәүдәләндерә, милләтара туганлыкны туплауга хезмәт итә.
Татарстан байрагының өч төсле өслегендә җәмгыятебезнең тормышны ныгытучы идеаллары: муллык, намуслылык һәм иҗади энергия гәүдәләндерелгән. Яшел тасма – яшәү көче һәм яңарыш, ак тасма – уй-фикерләрнең сафлыгын, тынычлык һәм күршелек, ә кызыл тасма бөек Россия белән тыгыз бәйләнгән төбәкнең өлгергәнлеген, энергиясен һәм куәтен тәшкил итә. Барысы бергә безнең чын бердәмлегебез һәм татулыгыбыз, ышаныч белән алга атлавыбыз символы.
Кадерле Татарстанлылар!
Безнең байрак астында республика динамик рәвештә үсә, икътисадта, фәндә, мәдәнияттә һәм спортта югары нәтиҗәләр күрсәтә. Масштаблы социаль проектларны тормышка ашыра, халыкара элемтәләрне җайга сала һәм бөтен Ватанның иминлеген һәм куәтен ныгытуга сизелерлек өлеш кертә.
Бүгенге көндә байрагыбыз тирән, серле мәгънәгә ия була. Без аны чын геройлар – махсус хәрби операциядә катнашучылар кулында күрәбез. Алар өчен Татарстан байрагы намус һәм батырлык белән саклаган Ватаныбызның бер өлеше, какшамас ихтыяр, батырлык, чиксез мәхәббәт һәм туган йортыбызга тугрылык гәүдәләнеше ул. Без ышанабыз, сугышчылар өчен ул саклаучы чара да, Җиңүгә илтүче байрак та!
Барыгызга да ныклы сәламәтлек, иминлек, республика һәм тулаем ил хакына нәтиҗәле хезмәттә яңа уңышлар телим. Татарстан Республикасы Дәүләт байрагы киләчәктә дә игелекле эшләргә рухландырсын, тынычлыкка, гаделлеккә һәм прогресска омтылуда берләштерсен, киләчәк буыннарыбыз өчен лаеклы киләчәккә нигез булсын.
Бәйрәм белән!