Бүген министрлыкларга 2025 елга максатлар һәм бурычлар кую өчен тавыш бирүнең соңгы көне

Татарстан Дәүләт хезмәтләре порталында киләсе елга республика халкы тарафыннан билгеләнә торган алты социаль министрлык өчен ачык максатлар һәм бурычлар билгеләү буенча онлайн-тавыш бирү бара.

Экспертлар тарафыннан министрлыклар каршындагы Иҗтимагый советлар белән берлектә җәмәгатьчелек фикерен, кире элемтәнең төрле платформалары материалларын өйрәнү нәтиҗәсендә әзерләнгән максатлар һәм бурычлар онлайн-тавыш бирүгә чыгарылды.

Республика халкы проект порталында тәкъдим ителгән тәкъдимнәр өчен тавыш бирә, шулай ук хакимият органы эшчәнлегенең алар күзлегеннән өстенлекле юнәлешләрен билгели, министрлык эшчәнлеге буенча үз комментарийларын һәм теләкләрен калдыра ала. Әйтик, узган ел тавыш бирү нәтиҗәләре буенча татарстанлылар эксперт бергәлегеннән аермалы 1600 тәкъдим белән чыкканнар.

Сораштыру 7 декабрьгә кадәр «Услуги РТ» мобиль кушымтасында һәм Татарстан Республикасы Дәүләт хезмәтләре порталында «Халык фикерен алу» бүлегендә дәвам итәчәк (https://open.tatarstan.ru/polls)